Wales Co-operative Centre
Canolfan Cwdweithredol Cymru

Gweithio gyda busnesau eraill

Busnesau'n cydweithio ac yn cyd-dyfu

Defnyddio consortia er mwyn galluogi eich busnes i dyfu - sefydlu consortia cydweithredol

Gall busnesau sy'n gweithio gyda'i gilydd dyfu gyda'i gilydd.

Gall datblygu consortia a phartneriaethau busnes er mwyn ennill gwaith newydd neu becynnu a gwerthu eich cynnyrch, eich helpu i wneud eich busnes yn fwy effeithiol a chynyddu eich trosiant.

Manteision consortia i bartneriaethau busnes

Gall cydweithio â mudiadau o'r un anian â chi greu cyfleoedd i bawb, gan gynnwys masnachwyr sy'n gweithredu ar eu liwt eu hunain, busnesau bach a chanolig a mentrau cymdeithasol.

Gall aelodau o gonsortia gael budd o'r canlynol

• Arbedion maint. Mwy o bŵer prynu.

• Caffael. Y potensial i ennill contractau mwy a gwell yn y sector cyhoeddus ac yn y sector preifat

• Marchnata effeithlon. Gwell cyfleoedd ar gyfer marchnata a phecynnu, a chyfleoedd gwerthu ehangach

• Arbedion o ran costau. Gellir rhannu'r costau sy'n gysylltiedig â Thechnoleg Gwybodaeth, seilwaith a gwasanaethau cefnogi

Gweithio mewn consortia

Gall gweithio mewn consortia gryfhau eich ffrwd incwm a hyfywedd hirdymor eich menter. Gall consortia sydd wedi'i sefydlu'n dda gynnig am gontractau sector cyhoeddus, manteisio ar ostyngiadau, a phecynnu eu cynnyrch er mwyn cynnig gwerth ychwanegol i gleientiaid a chwsmeriaid.

Cyngor arbenigol ynghylch sefydlu consortiwm cydweithredol

Bydd ein tîm arbenigol yng Nghanolfan Cydweithredol Cymru yn helpu busnesau gyda'r canlynol:

• Cyngor ynghylch strwythurau cyfreithiol a sefydliadol a modelau busnes addas
• Cyngor ynghylch cynllunio ariannol a busnes
• Dod o hyd i gyllid a chael gafael ar arian grant pan fydd hynny'n briodol
• Cymorth gyda materion cyflogaeth
• Cymorth i ddatblygu strategaethau cydraddoldeb hanfodol a systemau rheoli amgylcheddol

Mae gan Ganolfan Cydweithredol Cymru bron i 30 mlynedd o brofiad yn cefnogi datblygiad mentrau cydweithredol a chonsortia busnes. Rydym wedi cefnogi datblygiadau mewn amrywiaeth o sectorau gan gynnwys y celfyddydau, cynhyrchu bwyd, ffermio a dadansoddi gwyddonol.

Ewch i dudalen astudiaethau achos Canolfan Cydweithredol Cymru i weld enghreifftiau o sut rydym wedi helpu cwmnïau eraill.

Gallwn gynnig cymorth i fusnesau sy'n rhan o Ardal Cydgyfeirio Cymru drwy gyfrwng y prosiect hwn:

Llwytho copi o'r map i lawr

Beth nesaf?

Darllen rhagor am fentrau marchnata ac eilaidd mentrau cydweithredol

Cysylltu â ni er mwyn cael mwy o wybodaeth

Mwy o wybodaeth

Consortiwm Secure Wales -  darganfyddwch sut y gwnaeth Canolfan Cydweithredol Cymru gynorthwyo Secure Wales

Gweithio fel consortia i helpu’ch busnes i dyfu