Wales Co-operative Centre
Canolfan Cwdweithredol Cymru

Hyrwyddwyr Amrywiaeth

Amrywiaeth yng Nghanolfan Cydweithredol Cymru:

Yn ystod 2007, penderfynwyd mynd ati i hyrwyddo Amrywiaeth a gwneud yn siŵr bod  staff Canolfan Cydweithredol Cymru yn gwybod am Amrywiaeth. Dewiswyd model ‘Hyrwyddwyr Amrywiaeth’ i hybu ac arwain y gwaith o hyrwyddo a chodi ymwybyddiaeth o Amrywiaeth.

Model Amrywiaeth:

Gosododd yr Hyrwyddwyr Amrywiaeth yr amcanion canlynol:

• Cyflwyno a diffinio’r hyn y mae Amrywiaeth yn ei olygu;
• Datgelu beth yw’r rhwystrau i amrywiaeth yng Nghanolfan Cydweithredol Cymru;
• Codi ymwybyddiaeth o bob agwedd ar Amrywiaeth;
• Edrych ar y gyfraith ac amrywiaeth.

Credoau yng nghyswllt Amrywiaeth

Ceir sawl diffiniad o Amrywiaeth. Dyma’r un rydym ni wedi’i fabwysiadu yn y Ganolfan:

• Nid cydraddoldeb mohono;
• Mae cydraddoldeb yn ystyried mai'r unigolyn yw'r broblem;
• Mae amrywiaeth yn ystyried pawb fel unigolion;
• Mae amrywiaeth yn annog sefydliadau i addasu er mwyn cynnwys pawb;
• Nid yw neb yn broblem.

Dulliau Hyrwyddwyr Amrywiaeth

Mae swyddogaeth yr Hyrwyddwyr yn datblygu’n barhaus, gan addasu i’r ymdeimlad o fewn y Ganolfan ac wrth i hyder y tîm yn y pwnc dyfu. Mae’r pwnc yn cael ei hyrwyddo drwy’r dulliau canlynol:

• Cynhaliwyd sesiynau amrywiaeth yn nhri chyfarfod tîm diwethaf y staff, gan roi sylw i wahanol agweddau ar y pwnc;
• Anfon negeseuon e-bost i hysbysu’r staff am ddigwyddiadau penodol;
• Bod yn bwynt cyswllt i’r staff pan fydd ganddynt ymholiadau am Amrywiaeth.

Cynllun Gweithredu ynghylch Amrywiaeth

Bydd yr Hyrwyddwyr Amrywiaeth yn cyfarfod bob tri mis i drafod datblygiadau, camau gweithredu a syniadau newydd. Er mwyn mynd ati i hyrwyddo a datblygu Ymwybyddiaeth o Amrywiaeth yn barhaus o fewn y Ganolfan, lluniwyd cynllun gweithredu gyda’r bwriad o gyflawni’r canlynol:

• Gweithio ar ddatblygu polisi ar gyfer y Ganolfan;
• Creu Llyfrgell Amrywiaeth;
• Dadansoddi Amrywiaeth yn y Ganolfan;
• Slot rheolaidd mewn cyfarfodydd staff;
• Cyfraniad rheolaidd i gylchgrawn y staff.

Sylwadau'r Hyrwyddwyr Amrywiaeth:

“Ein swyddogaeth fel Hyrwyddwyr Amrywiaeth yw sicrhau bod staff Canolfan Cydweithredol Cymru yn deall manteision arddel Amrywiaeth. Weithiau, byddwn yn gorfod herio a mynd i’r afael â phynciau er mwyn sicrhau bod staff yn ymwybodol o botensial gwahanol sefyllfaoedd.

“Drwy gynnal sesiynau’n rheolaidd, creu polisi priodol, yr adnodd hwn ar-lein a mynd ati i ddadansoddi Amrywiaeth yn y Ganolfan, rydyn ni’n cymryd camau i sicrhau bod anghenion ein cleientiaid yn cael eu diwallu gyda dealltwriaeth a pharch bob amser.”